Kategorioj
Elsendoj

E_elsendo el la 10.06.2014

La ŝatantojn de la klasika literaturo en la 341-a E-elsendo ĉe www.pola-retradio.org atendas la 4-a fragmento de la romano de la pola Nobel-premiito, Henryk Sienkiewicz “Quo Vadis” en la E-traduko de Lidia Zamenhof. Komence nia ĉefinformo sciigas, kiel poloj pritaksas siajn ĉefministrojn de la lastaj 25 jaroj. Ĉi-semajne abundas temoj el la pola gazetaro. Ni i.a. legis pri la kampanjo ŝanĝi ĉiujn energiuzajn registrilojn en Pollando konforme al la unia direktivo, pri la altlerneja kunlaboro inter Pollando kaj Brazilo kaj fine pri kiuj feriolokoj eksterlande poloj rezignas. La scienca bulteno enhavas la informojn pri brilaj kvalitoj de la pola artefarita osto kaj pri ekologia katastrofo minacanta per formorto de multegaj besto- kaj plantospecioj. Muzike akompanas nin la ensemblo Kaj Tiel Plu per sia kanto el la KD eldonita de Vinilkosmo “Surplacen venu vi”. Kiel kutime la tekstoj de la novaĵoj kaj la scienca bulteno estas paralele aŭskulteblaj kaj legeblaj en unuopaj rubikoj de nia paĝo helpante al novaj kaj ankoraŭ ne plene spertaj esperantistoj altigi sian lingvokonon kaj parolkomprenon.

Unu respondo pri “E_elsendo el la 10.06.2014”

Mi atente aŭskultis la paroladon deklamitan fare de Barbara, do povis ĝui la perfektan verkecon. Mi nun estas leganta “Retoriko” fare de Ivo Lapenna kaj retrovis la konsilojn donitajn de li por la elprononco. Mi rekomendas tiun libron iomete malnovan, sed la temo estis trafe traktita. Ĉu vi konas aliajn librojn, kiujn mi povos aldoni al mia listo de “trafaj legendaĵoj” ? Ĉu vi ekzemple legis la verkadon de Jorge Camacho (“Liturgio pri foirismo”)? Ĝis.
Kore
Petro

Respondi

Retpoŝtadreso ne estos publikigita. Devigaj kampoj estas markitaj *

Tiu ĉi retejo uzas Akismet por malpliigi trudaĵojn. Ekscii kiel viaj komentaj datumoj estas traktataj.