Kategorioj
Elsendoj

E_elsendo el la 09.09.2014

Denove en la marda programo ni proponas renkontiĝon kun la E-literaturo prezentante la 9-an fragmenton de la tradukita de Lidia Zamenhof romano de Henryk Sienkiewicz “Quo Vadis”. Pasintsemajne en la kanada Kalgario okazis interesa konferenco dediĉita al lingvopolitiko kaj lingvoplanado kun partopreno de UEA-prezidanto Mark Fettes kaj tri membroj de CED. En nia hodiaŭa programo vi trovas la raportan informon pri tiu evento. Komence de la 368-a E-elsendo ĉe www.pola-retradio.org vi trovas aktualaĵojn i.a. pri la kreskanta nombro de la urboloĝantoj en la mondo kaj pri la bona loko de la Tatry-montara Nacia Parko inter 30 plej bonaj en la mondo. En Scienca Bulteno ni infomas pri la influo de pezoperdo je dormolongo kaj psika komforto. Alia temo rilatas al negativa influo de karbodioksido je fiŝoj vivantaj en grandaj kolonioj. Muzike ni memorigas la varsovian kanton en Esperanto en la plenumo de la ensemblo de la Varsovia Politekniko. Aktualaĵoj kaj temoj de la scienca bulteno estas paralele aŭskulteblaj kaj legeblaj en la rubriko Novaĵoj kaj Scienaj Informoj.

2 respondoj pri “E_elsendo el la 09.09.2014”

Mi ne rezistas danki: la programo (kaj la vochoj!) estas variaj kaj la temoj interesaj. Aparte plachis al mi la informoj pri kresko de la loghantaro kaj pri naturaj parkoj. Kaj kia sentoplena legado de la literaturajho! Gratulon!

Respondi

Retpoŝtadreso ne estos publikigita. Devigaj kampoj estas markitaj *

Tiu ĉi retejo uzas Akismet por malpliigi trudaĵojn. Ekscii kiel viaj komentaj datumoj estas traktataj.