Kategorioj
Elsendoj

E_elsendo el la 16.09.2014

En Poznano jam ĉi-semajne komenciĝas la laŭvica trijara kurso de Interlingvistikaj Studoj. En nia 370-a E-elsendo ĉe www.pola-retradio.org ni prezentas kompletigajn informojn pri ilia programo, sponsorado kaj kunlaboro kun la organizantoj de Artaj Konfrontoj en Esperanto en 2-a parto de nia interparolo kun d-ino Ilona Koutny. Krome nia antaŭmikrofona gasto estas brazila ĵurnalisto, nia aŭskultanto Fabio Monteiro renkontita en Bonaero. La hodiaŭaj aktualaĵoj rilatas al la klopodoj de la eŭropuniaj landoj, inkluzive de Pollando trovi novajn vendomerkatojn por fruktoj kaj legomoj post la enkonduko de la importa embargo de Rusio je tiuj produktoj fone de la konflikto kun Ukrainio. En la kunteksto de tiu ĉi konflikto ni informas pri kreskanta subteno de poloj por soldatrekrutigado. Nia scienca bulteno traktas la signifon de cetacoj por la funkciado de ekosistemo. Alia temo rilatas al la esploroj elmontrantaj, ke hundoj – same kiel homoj – estas estaĵoj ĵaluzaj. Aktualaĵoj kaj temoj de la scienca bulteno estas samtempe aŭskulteblaj kaj legeblaj en la rubriko Novaĵoj kaj Scienaj Informoj. Aparte ni prezentas ankaŭ interparolon kun nia brazila gasto en la rubriko “Antaŭ la mikrofono”. Hodiaŭ muzike akompanas nin Olivier Tzaut per la meksika kanto “La Rajdanto” devenanta el la disko “Karnavaleto”.

2 respondoj pri “E_elsendo el la 16.09.2014”

Dankon ro la informoj, kio okazas al la fruktoj, kiuj ne rajtas vendigxi en Rusio. Usonaj auxtotarituloj bezonas tro longan tempon por permesi veturigi la fruktojn al usona merkato. Mi ecx pensas ,cxu indas transporti fruktojn tiel foren.Denove mi gxuis auxskulti parolon de profesorino Ilona Koutny. Gxoje estis auxskulti fluan parolon de brasila jxurnalisto, gxi estis ankoraux foje sonventeto el Buena Aero, kio restas en memoro unu el plej familiaj UK-oj.

Respondi

Retpoŝtadreso ne estos publikigita. Devigaj kampoj estas markitaj *

Tiu ĉi retejo uzas Akismet por malpliigi trudaĵojn. Ekscii kiel viaj komentaj datumoj estas traktataj.