Kategorioj
Elsendoj

E_elsendo el la 23.12.2014

En la 398-a E-elsendo ĉe www.pola-retradio.org ni denove renkontiĝas kun Marc Bavant el Francio, kiu klarigas la rezult­indikajn proprecojn de Esperanto, reference al sia ĉi-tema prelego dum la Lingvistika Simpozio en Poznano. Komence ni tamen referencas al grava komunuma informo pri Esperantisto 2014 de “La Ondo de Esperanto”. La sekvantaj aktualaĵoj rilatas al la fenomeno de la t.n. eŭropunia orferco, projekto de balotujo maleblig­anta falsi balotojn kaj nova postindustria komplekso en Wałbrzych. Scienc­bultene ni informas pri la klopodoj rekrei la populacion de la polaj fiŝagloj, kio kelkloke okazas sukcese. Lige kun la fakto, ke ni frontas Kristnaskon la ĉi-rilataj festaj akcentoj ne mankas en la elsendo. Ni memorigas la pacemfazan porokazan kanton “Kristnasko tra la tero”, kiun plenumas Mélanie Prin kaj krome ni prezentas poeziaĵon de Helena Dobaczewska-Skonieczka “Atendado”, kiu enkondukas en la festan agordon. La informoj de ĉi tiu elsendo estas aparte legeblaj kaj aŭskulteblaj en la rubrikoj “Novaĵoj” kaj “Sciencaj informoj” . En la rubriko “Antaŭ la mikrofono” aŭdiĝas la interparolo kun nia antaŭ­mikrofona gasto.

Unu respondo pri “E_elsendo el la 23.12.2014”

La antaumikrofonaj gastoj chiam alportas interesajn, pensigajn intervjuojn. Chi jen montras novan ângulos, per kiu oni povas konsideri la -ata/-ita-n problemon.
Dankon kaj bondezirojn al la tuta skipo de la amata Pola Retradio!

Respondi

Retpoŝtadreso ne estos publikigita. Devigaj kampoj estas markitaj *

Tiu ĉi retejo uzas Akismet por malpliigi trudaĵojn. Ekscii kiel viaj komentaj datumoj estas traktataj.