Kategorioj
Elsendoj

E_elsendo el la 20.01.2015

La antaŭmikrofona gasto en la 406-a E-elsendo el Varsovio estas Babak Soroush el Irano, unu el la novaj studentoj de la Interlingistikaj Studoj en Poznano. Krome ĉe la adreso www.pola-retradio.org aŭdiĝas la 17-a fragmento de la romano “Quo Vadis” de Henryk Sienkiewicz en la E-traduko de Lidia Zamenhof. En la komenca informa parto ni superrigardas mallonge la lastajn eventojn en Pollando: vintrajn feriojn de lernantoj, finalon de la kantkonkurso pri la plej bona plenumo de la kristnaskaj kantoj, eksterlande – la semajnfinajn protestreagojn kontraŭ la francaj mokdesegnaĵoj pri Mahometo. Krome ni informas pri kreiĝanta en Pollando boato kun hibrida motoro, kaj pri tio, ke Pollando volas resti lando sen GMO. Nia sciencbultena temo traktas pri formikoj, el kiuj unu dekono havas komunajn radikojn. Muzike akompanas nin mallonge Anna Osmakowicz. Fragmente aŭdiĝas “Nova Jaro”, kanto de Martin kaj La Talpoj el ilia lasta KD eldonita de Vinilkosmo “Superbazaro”. Du novaĵoj, scienca temo kaj interparolo aŭdiĝas ankaŭ eksterelsende en unuopaj rubrikoj de nia paĝo. La tekstoj estas paralele legeblaj kaj aŭskulteblaj.

4 respondoj pri “E_elsendo el la 20.01.2015”

Tre karaj samideanoj – ege richa programo! Kiel ordinare, mi multe lernis! Mi tre facile rekonas la vochon de chiu teamano, sed mi konfesas, ke mi tre shatus ekkoni ties vizaghon. Tio estas tute prava scivoleto, chu? Ni trovighas milojn da kilometroj for unuj de la aliaj! Koran dankon, ankoraufoje!

Mi ne povas kredi ke Pola Radio, el la buŝo de Babak Soriush, el Irano, diras ke ĉiu metodo por lerni Esperanton estas
gramatika.

La paroliga Cseh-metodo jam ekzistas de 1920. La kursoj de Lernu.net, ne estas gramatikaj, same ol ĉiuj kursoj kiuj ekzistas nur en Esperanto. La videoj “Mazi” kaj “Esperanto, Pasporto al la Tuta Mondo”, montras uzadon de Esperanto ekde la komenco.

Alie, la plejmulto de la Esperanto-kapablaj homoj, lernis ĝin per tiuj “nebonaj metodoj”. Mi ne povas pensi ke iu instruas Esperanton sen paroli pri la finaĵoj -a, -o, -aj, -oj, -is, -as, -os, kiuj bezonas malmulte da tempo.

Esperanto neniel estas komparebla al aliaj lingvoj … nek naciaj, nek planitaj.

Enrique

Dankon por unu pli suka programo. Mi iomete amuzighis pro la emfaza pledo de la irana samideano por pli modernaj lernmetodoj (kaj pro via delikata sindeteno pri lá afero). Vi estas lerta, subtila intervjuanto!

Mi konsentas: sinjoro Babak Soriush ne pravas, kiam li priskribas la lernolibrojn, kiel gramatikajn. Ni denove devas apogi vian sintenon, kiu kuraĝas aserti, ke plejparoligaj devas esti niaj klopodoj por disdividi nian lingvon. La referenco al la metodo de Andreo Cseh estas bonega.
Mi kore salutas.
Petro

Respondi

Retpoŝtadreso ne estos publikigita. Devigaj kampoj estas markitaj *

Tiu ĉi retejo uzas Akismet por malpliigi trudaĵojn. Ekscii kiel viaj komentaj datumoj estas traktataj.