Kategorioj
Elsendoj

E_elsendo el la 26.05.2015

En la antaŭmikrofona renkontiĝo kun Maciej Jaskot ni interparolas pri diferencoj en la konceptoj rilatantaj al la parolata lingvo. Ĉu sola kono de vortosignifoj egalas al reciproka interkompreno, kio estas lingvokodo? Unuvorte ni interparolas pri la lingvofenomenoj, kiujn ni ĉiutage frontas. Komence de la 442-a E-elsendo ĉe www.pola-retradio.org ni informas pri la rezultoj de la prezidentaj balotoj en Pollando, kiujn gajnis Andrzej Duda, pri la problemo de polaj 6-jaruloj, kiuj ekde la nova lernojaro devige frekventos lernejojn, pri la lingvoinstruado en la varmia vojevodio. Lingvolernado kiel cerbogimnastiko estas la temo de nia scienca bulteno. La informoj de la novaĵbulteno kaj de la scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj. Ankaŭ la interparolo kun nia antaŭmikrofona gasto aŭdiĝas aparte en la rubriko “Antaŭ la mikrofono”. Muzike akompanas nin hodiaŭ ĉina kantistio Ling Phang per la kanzono “Katjuŝka”.

Respondi

Retpoŝtadreso ne estos publikigita. Devigaj kampoj estas markitaj *

Tiu ĉi retejo uzas Akismet por malpliigi trudaĵojn. Ekscii kiel viaj komentaj datumoj estas traktataj.