Kategorioj
Elsendoj

E_elsendo el la 16.06.2015

La antaŭmikrofona renkontiĝo kun Maciej Jaskot estas dediĉita al la nunjara la 5-a jam olimpiko, alivorte konkurso pri la hispana lingvo por mezlernejanoj en Pollando. En la komenco de la 448-a E-elsendo ĉe www.pola-retradio.org ni informas pri daŭra negativa rilato de poloj al eŭro, pri sukceso de polaj pakaĵkestoj ankaŭ eksterlande kaj granda plantokampanjo en la okcidenta Pollando. Sciencbultena temo traktas la negativan influon de homa infrastrukturo je la natura ĉasinstinkto de pumoj. La informoj de la novaĵbulteno kaj de la scienca bulteno estas paralele legeblaj kaj aŭskulteblaj en la rubrikoj Novaĵoj kaj Sciencaj Informoj. Ankaŭ la interparolo kun nia antaŭmikrofona gasto aŭdiĝas aparte en la rubriko “Antaŭ la mikrofono”. Muzike akompanas nin hodiaŭ la ensemblo “Kaj Tiel Plu”. Ni memorigas fragmente ĝian kanton “La aventuro” el la KD eldonita de Vinilkosmo “Plaĉas al mi”.

3 respondoj pri “E_elsendo el la 16.06.2015”

Koran saluton, kaj dankon por ankorau unu interesa intervjuo kun Maciej. Estas videbla lia amo al la hispana. Tre bone!
Tia amo estighis en mi kiam en 2008 la unuan fojon mi vizitis hispanlingvan landon por instrui Esperanton. Tiam mi ne regis la lingvon, kaj kompreneble komuniki estis io tre peniga, malgrau la simileco inter la hispana kaj la portugala. Fakte la simileco estas ege trompa, kaj ne malofte oni pensas (almenau iuj brazilanoj, kiel mi jam spertis), ke ne necesas lerni la lingvon, char chiuokaze eblas elturnighi per la portugala. Nu, la vojagho tiel impresis min, ke mi decidis lerni la lingvon. Certe la samo okazas ankau che vi pro la simileco inter ekz. la pola, la slovaka kaj la chehxa. Estus bonege scii ekz. de Maciej, kiel similaj ili estas kaj kiujn embarasojn tiu simileco povus starigi al iu, kiu lernas unu el tiuj lingvoj. Koran dankon!

Respondi

Retpoŝtadreso ne estos publikigita. Devigaj kampoj estas markitaj *

Tiu ĉi retejo uzas Akismet por malpliigi trudaĵojn. Ekscii kiel viaj komentaj datumoj estas traktataj.