Kategorioj
Elsendoj

E_elsendo el la 19.02.2016

 La 525-a E-elsendo ĉe www.pola-retradio.org el la 19.02.2016:

– La heroo de nia felietono pri koninda polo estas Ferdynand Karo, pola farmaciisto, botanikisto, esploristo de la sibera flaŭro, malkovrinto de multaj ne konataj ĝis tiam siberiaj plantoj el inter 8 portas lian nomon;
– La komencaj mallongaj aktualaĵoj rilatas al la daŭrantaj vendrede en Bruselo intertraktoj pri ŝanĝokondiĉoj de brita membreco en la EU, pri laboroj de la pola Instituto de la Nacia Memoro ĉirkaŭ dokumentoj retrovitaj en la vilao de generalo Kiszczak;
– La kulturkronika informo rilatas al sukcesa restaŭro de valora malfrugotika religia skulptaĵo en Vroclavo;
– Muzike akompanas nin denove Ĵele per la kanzono „Diru al mi kion vi sentas..” el la KD „Sentokaoso”.
La komencaj aktualaĵoj, la kulturktronika informo kaj la felietono estas  paralele legeblaj kaj aŭskulteblaj en la rubrikoj „Novaĵoj”, „Kulturkroniko”, „Felietonoj”.

2 respondoj pri “E_elsendo el la 19.02.2016”

Mi naskiĝis en Irkutsko, kaj eĉ pro tio via elsendaĵo pro F. Karo estas pro mi tre interesa. Tri jaroj antaŭe (2013) mi eldonis libron pri Miĥaelo Pucillo (en St-Peterburgo). Pucillo, kiel F. Karo, naskiĝis en 1845, kaj en 1865 traveturis en Irkutsko. Tie li laboris kun B. Dybowski kaj A. Czekanowski. Pucillo estas la unua rusa homo, kiu scipovis la korean lingvon kaj kompilis la unuan “Rusa-korean vortaron” (1874). Mi povus sendi vin la libron pri Pucillo kaj lian vortaron. La prapraavo de M. Pucillo ricevis la bienula titolo el manoj de Sigizmund I en jaro1544.

Ankaŭ ĉi tiu programo estis al mi tre plaĉa, precipe pro la raporto pri la pola flaŭristo-farmaciisto. Tamen, mi devas konfesi, ke mi jam sopiras pri iom da literaturo, aparte poezio. Ĉu ne venos denove al niaj oreloj aliaj versoj, same belaj kiel tiuj de Eroŝenko, antaŭ kelkaj semajnoj? Dankegon!

Respondi

Retpoŝtadreso ne estos publikigita. Devigaj kampoj estas markitaj *

Tiu ĉi retejo uzas Akismet por malpliigi trudaĵojn. Ekscii kiel viaj komentaj datumoj estas traktataj.