Kategorioj
Elsendoj

E_elsendo el la 15.03.2016

La 532-a E-elsendo ĉe www.pola-retradio.org el la 15.03.2016:

– Hodiaŭ ni proponas komune enrigardi kelkajn E-gazetojn, kiuj lastatempe atingis la Redakcion aŭ pri kies apero ni eksciis elektronike: La Revuo Orienta – 2/2016; Kontakto – 1/2016; Israela Esperantisto – vintro 2015; la lasta numero 2015 de “Tempo”; la 143-a numero de “Sennacieca Revuo”; “Balkana Verda Stelo” numeroj 0-2015, 1-2015, la 1-a numero de 2016; la januara numero 2016 de “Le monde de l’espéranto”; 1/2016 “Esperantolehti” kaj 1/2016 “Norvega Esperantisto”.
– Novaĵbultene ni informas pri optimismaj prognozoj de Banko Morgan Stanley koncerne ekonomian kreskon de Pollando kaj pri bona rezulto de la pola eksporto rilate importon, kiu en januaro 2016 falis al pli ol 3 miliardoj da eŭroj. En la pola gazetaro ni elektis temon el Rzeczpospolita pri tio, ke Pollando ne estas preparita je amasa alveno de enmigrantoj;
– La sciencbultena temo traktas la temon de obezeco, kiu ne sole damaĝas la sanon, sed ankaŭ negative influas la cerbofunkciadon. Krome ni informas pri la aprobita en Britio programo pri la genmodifado de homaj embrioj.
Muzike akompanas nin Jonny M. Ĉi-foje ni elektis fragmente lian kanzonon “Bona homo” el la KD “Regestilo” eldonita de Vinilkosmo.
La aktualaĵoj kaj sciencbultenaj temoj estas paralele legeblaj kaj aŭskulteblaj en la rubrikoj „Novaĵoj” kaj „Sciencaj informoj”. Aparte estas ankaŭ aŭskultebla trarigardo de la E-gazetaro en la rubriko “Felietonoj”.

2 respondoj pri “E_elsendo el la 15.03.2016”

Pollando ne pretas akcepti enmigrantojn??? Neniu lando pretas akcepti amasajn rifughantojn. Ankaù Germanio ne pretas. Tamen oni organizighu! La raportita artikolo de Rzeczpospolita rebatas la argumentojn kiujn oni povis aùdi dummilite en Usono por rifuzi enirpermeson al eùropaj judoj.
Eble foje Pola retradio povus cherpi siajn informojn ne nur en la naciista Rzeczpospolita sed ankaù en aliaj gazetoj de Pollando kiaj Gazeta Wyborcza kaj aliaj?

La “revuo de la revuoj” estas lau mi unu el viaj plej interesaj programeroj. Mi konsentas, ke ghi certe estas tre laboriga, sed estas tre bone auskulti ghin pli ofte!

Respondi

Retpoŝtadreso ne estos publikigita. Devigaj kampoj estas markitaj *

Tiu ĉi retejo uzas Akismet por malpliigi trudaĵojn. Ekscii kiel viaj komentaj datumoj estas traktataj.