Kategorioj
Elsendoj

E_elsendo el la 22.04.2016

La 543-a E-elsendo el la 22.04.2016 ĉe www.pola-retradio.org:

– La felietono pri koninda polo prezentas la silueton de Samuel Bogumił Linde, la aŭtoro de la unua (6-voluma) Vortaro de la Pola Lingvo. La plej proksiman sabaton pasas lia 245-a naskiĝdatreveno.
– Komenca riĉa kultura kroniko enhavas informojn pri unika, unutaga prezento de la historia dokumento Psałterz Floriański – Florian-Psalmaro, valorega manuskripo el la 14/15-a jarcentoj; pri Amsterdamo de polaj judoj, alivorte pri la ekspozicio rilatanta al la funkciantaj tie presejoj de judaj verkoj por la pola merkato; pri interesega KD kun rekreitaj religiaj kantoj de polaj kaŝuboj.
– En la E-movada segmento ni informas pri du novaj beletraj konkursoj, “Poezio el ĉiuj ĉieloj” kaj „Romanoj el ĉiuj ĉieloj”. Iliaj regularoj estas konsulteblaj ĉe la adresoj:
http://iconcorsidisamideano.altervista.org/KonkursoPoemojIII.html
http://iconcorsidisamideano.altervista.org/KonkursoRomanojI.html
Muzike ni memorigas la kaŝuban kanton en la E-vesto >Naĝu, naĝu la ŝipet’< en la plenumo de Bretona E-Koruso el ĝia KD „Mevo pluen”. Fragmente ni kunĝuas denovan viziton en Okcitanio dank’ al Patric kaj lia kanzono >Tristas ĉiel’< kaj specimene ni prezentas fragmente „Rugbeon” el aperigota KD de Vinilkosmo >jOmO okcitanas<.
La kulturktronikaj informoj estas parelele aŭdeblaj kaj legeblaj en la rubriko: „Kulturkroniko”. En la rubriko „Felietonoj” troviĝas samtempe legebla kaj aŭskultebla teksto pri Samuel Bogumił Linde.

2 respondoj pri “E_elsendo el la 22.04.2016”

Post nelonga pauzo, jen mi sukcesas denove auskulti viajn programojn. Vera plezuro! Ekzemple, mi surprizighis, ke antau 200 jaroj tiu eminentulo Bogumil Linde verkis 6-voluman vortaron! Ankau la Florian-Psalmaro atestas pri la antikveco kaj solideco de la pola kulturo. Per la Esperantoelsendoj vi daurigas tiun tradicion de aprezo al kulturo. Gratulon kaj dankon!

Saluton. Mi skribas de Kanado. Bruce Crisp de Kanado rekomendis al mi Polan Retradion cxar mi volas plibonigi mian kapablon kompreni parolatan Esperanton. Li diris ke oni povas legi kaj auxkulti tekston samtempe cxe vi. Do mi kelkfoje auxkultas viajn elsendojn. Li ankaux diris ke vi gxuas ricevi komentojn, do mi skribas. Dankon pro via servo.

Respondi

Retpoŝtadreso ne estos publikigita. Devigaj kampoj estas markitaj *

Tiu ĉi retejo uzas Akismet por malpliigi trudaĵojn. Ekscii kiel viaj komentaj datumoj estas traktataj.